Aðalfundur

Aðalfundur Kotrufélagsins var haldinn á Bar 46 laugardaginn 9. júlí. Fundargerð fylgir hér að neðan:

 

Aðalfundur Kotrufélagsins, 9. júlí, 2011

 

Dagskrá

1. Farið yfir fjármál ársins
2. Skýrsla forseta
3. Önnur mál
4. Kosning forseta
5. Kosning stjórnar
6. Lagabreytingartillögur

 

Mættir: Stefán Freyr Guðmundsson (SFG), Gunnar Gunnarsson (GG), Ingi Tandri Traustason (ITT), Bjarni Kristjánsson (BK), Gísli Hrafnkelsson (GH), Markús Guðmundsson (MG)

 

Niðurstöður:

1. Tveir aðilar styrkja félagið reglulega á mánuði. Forseti hefur borið kostnaðinn af einstaka útgjöldum sem koma upp. Kostnaður ársins lá í kaupum á verðlaunabikar vegna Íslandsmóts, leigu á húsnæði vegna Mænd Geyms og búnaði.
2. Mót ársins:
   1. Íslandsmót var haldið í byrjun september sem gekk vel. Mótið var sett upp þannig að þátttaka gæti verið mikil með því að hafa þátttöku opna og gjöld lág.
   2. Mænd Geyms var haldið fyrstu helgina í febrúar og tókst mjög vel. Átta lið mættu til keppni og gerður var góður rómur að mótshaldinu.
   3. Bikarkeppni var haldin í apríl með útsláttarfyrirkomulagi. Fyrirkomulagið gekk vel.
   4. Mánaðarlegir hittingar voru settir upp sem formlegri mót en áður. Veitt voru verðlaun og efsta sæti tryggði rétt á þátttöku á Íslandsmóti.
3. Ýmis mál voru rædd
   1. Viðræður hafa verið við Vífilfell um innflutning á 15 merktum borðum. Félagið þyrfti að standa straum af kostnaði við tolla og skatta, ca. 45.000 kr.
   2. Rætt var um að stofna Kotrusamband Íslands sem yfirsamtök allra kotrufélaga landsins. Þetta ætti að auðvelda fjármögnun verkefna eins og þeirra sem lýst er í lið a. að ofan. SFG, BK og ITT kanna þetta frekar.
   3. Mótanefnd lýsti fyrirkomulag komandi Íslandsmóts. Mótið verður lokað og allir keppa við alla. Þátttökuréttur var veittur sem verðlaun sumum mótum félagsins. Stefnt er að 8 manns taki þátt. Nú þegar hafa SFG og Daníel Már Sigurðsson unnið sér þátttökurétt ásamt sitjandi Íslandsmeistara. Haldin verður undankeppni til að fylla hin 5 sætin. Mótanefnd heldur fund til að útfæra nánar. Hugmynd væri að ef Kotrusambandið verður til þá væri möguleiki að senda Íslandsmeistarann á alþjóðlegt mót.
   4. Rætt var um að breyta nafni Mænd Geyms. Mótanefnd ákveður þetta en hugmyndir sem upp kom t.d.

                                                               i.            Hugþraut

                                                             ii.            Íslandsmótið í hugþraut

                                                            iii.            Hugþrautin

1.  
   1. Sveitakeppnir voru ræddar. Þetta styður frekar við myndun Kotrusambandsins.
   2. Rætt var um að félagið gerðist áskrifandi að gammonvillage. SFG skoðar nánar kostnað og möguleika á dreifingu.
2. Stefán Freyr Guðmundsson endurkjörinn sem forseti einróma.
3. Stjórn:
   1. Varaforseti: Róbert Lagerman
   2. Gjaldkeri: Gísli Hrafnkelsson
   3. Ritari: Gunnar Gunnarsson
   4. Meðstjórnandi: Ingi Tandri Traustason
   5. 1. varamaður: Bjarni Kristjánsson
   6. 2. varamaður: Daníel Már Sigurðsson
4. Lagabreytingartillaga
   1. Lögð var til breyting á 2. gr. Hún skal nú hljóma “Heimili félagsins og varnarþing er að Skipalóni 21, 220 Hafnarfirði.” Tillagan var samþykkt og hefur lögum félagsins verið breytt í samræmi við það.