Mót 17. september

Næsta mót verður fimmtudaginn 17. september klukkan 19 á Atid Laugavegi 73. Samhliða mótinu fer fram kennsla fyrir nýliða. Mótið verður snarpt, 6-8 umferðir og leikurinn upp í 3. Þannig getur tímabundna fjölskyldufólkið skotist frá og tekið þátt í mótinu. Eftir mót geta svo spilaþyrstir spilað lengur.

Næsta mót.

Eins og fram kemur í fundargerð síðasta fundar er stefnt að því að hafa kotrumót tvisvar í mánuði í vetur, 1. og 3. fimmtudag hvers mánaðar. Vegna mikillar skákhátíðar á Bolungarvík mun þó ekki verða mót 3. september þar sem margir fastamenn verða fyrir vestan. Næsta mót og kennsla samhliða verða þess vegna 17. september á Atid. Takið þann dag frá.

Mót 20. ágúst.

Æfingamót var haldið fimmtudaginn 20. ágúst og nú á nýjum stað Atid Laugavegi 73. Staðurinn er rúmgóður og snyrtilegur og veitingar á sanngjörnu verði svo fastlega má búast við að fleiri mót verði haldin á staðnum.

10 keppendur mættu í mótið og 8 til viðbótar í kennslu hjá Forsetanum sem gerir mætingu upp á 19 manns.

Leiknar voru 6 umferðir og leikurinn upp í 3. Óhætt er að segja að aldrei hafi mót á vegum félagsins verið jafnara þar sem enginn slapp við minna en tvö töp og endaði með því að 5 urðu efstir og jafnir með fjóra vinninga.

Úrslit:

1.-5. Jorge 4/6

1.-5. Jón Gunnar 4/6

1.-5. Hrannar 4/6

1.-5. Ingi Tandri 4/6

1.-5. Vésteinn 4/6

6.-7. Róbert 3/6

6.-7. Sigrún 3/6

8.-9. Stefán Á 2/6

8.-9. Gísli 2/6

10. Aðalsteinn 0/6

Stefán Freyr og Árni Björn voru með fyrstu tvær umferðirnar meðan beðið var eftir fleiri nemendum.

Stefán Freyr 2/2

Árni Björn 0/2

 

Að móti loknu tók við stórskemmtileg keppni í Sjúett

Stjórnarfundur.

Stjórnarfundur Kotrufélagsins, 20. ágúst, 2009.

 

Dagskrá

1. Íslandsmót.
2. Önnur mót.
3. Æfingamót.
4. Ákvörðun næsta stjórnarfundar.

 

 

Mættir: Stefán Freyr Guðmundsson (SFG), Róbert Lagerman (RL), Gísli Hrafnkelsson (GH), Ingi Tandri Traustason (ITT)

 

Niðurstöður:

1. Íslandsmót haldið í nóvember, SFG skoðar dagsetningu og staðsetningu. RL athugar með styrktaraðila. Fyrirkomulag mótsins miðar við a.m.k. 18 keppendur. Byrjað á 9 umferða móti með Monrad fyrirkomulagi. Fyrstu 6 umferðirnar eru leikir upp í 5 og síðustu þrjár umferðirnar upp í 7. Átta efstu komast í úrslit. Á fimmtudegi er stefnt að því að spila fyrstu 5 umferðirnar og seinni 4 á föstudegi. Byrjað ca. 18. Snemma á laugardegi hefst útsláttarkeppni. 8 manna úrslit verður leikur upp í 15, undanúrslit og úrslit upp í 21. (Athugasemd: Prófa að spila leik upp í 21 til að sjá hvað það tekur langan tíma). Keppnisgjaldi verði stillt í hóf (ca 1000kr) og rennur keppnisgjald til Kotrufélagsins. Þarf að huga að varaáætlun ef þátttaka dræm.

 

1. Rætt um að halda Bikarkeppni eftir áramót (jan-feb) og “Mind-games” mögulega í október. Þá væri keppt í 2ja manna liðum í kotru, skák, brids og póker. Verður rætt nánar á næsta fundi.

 

1. Æfingamót verði fyrsta og þriðja fimmtudag í hverjum mánuði. Mótið sem er þriðja fimmtudag mánaðar verði 6-8 umferða mót upp í 3 og boðið upp á kennslu fyrir nýliða samhliða móti. Mótið sem er fyrsta fimmtudag verði með breytilegu sniði.

1. Næsti stjórnarfundur skal haldinn þegar næsta æfingamót fer fram 3. september.

Næsta mót.

Næsta kotrumót verður haldið fimmtudaginn 20. ágúst klukkan 19 á skemmtistaðnum Atid Laugavegi 73 (Landsbankinn er númer 77).

Samhliða mótinu geta þeir sem styttra eru á veg komnir og treysta sér ekki í mótið fengið kennslu og spilað nokkra leiki til að fá innsýn í fegurðina.

Nýr stigalisti

Nafn	ELO	Reynsla
Stefán Freyr	1731	101
Jorge	1598	43
Sigurður	1567	25
Jón Gunnar	1561	25
Gunnar	1560	36
Róbert	1552	46
Steingrímur	1549	21
Ingi Tandri	1536	68
Hrafnkell	1516	55
Stefán Þór	1497	20
Magnús	1495	20
Varði	1484	21
Raili	1455	20
Rúnar Berg	1442	50
Helga Guðrún	1420	46
Geir	1406	20
Aðalsteinn	1336	38
Gísli	1329	84
Birgir	1304	39

Mót 16. júlí

Kotrumót var haldið fimmtudaginn 16. júlí á BAR 108. Mættir voru 9 keppendur sem verður að teljast ágætt miðað við fádæma veðurblíðu. Keppendum var skipt í tvo riðla.

 

Riðill 1

1. Ingi Tandri 3/3

2. Jorge 2/3

3. Gunnar 1/3

4. Aðalsteinn 0/3

 

Riðill 2

1. Stefán Freyr 4/4

2. Rúnar Berg 2/4 og 15 stig

3. Helga Guðrún 2/4 og 13 stig

4. Hrafnkell 2/4 og 12 stig

5. Gísli 0/4

 

Í undanúrslitum átti Stefán Freyr engin svör við spænskum göldrum Jorge og Ingi Tandri hafði Rúnar Berg undir. Í úrslitum fór Jorge á kostum og vann Inga örugglega.

Lokastaða:

1. Jorge

2. Ingi Tandri

3. Stefán Freyr

4. Rúnar Berg

5. Gísli

6. Hrafnkell

7.-8. Helga Guðrún og Aðalsteinn

Næsta mót.

Næsta mót verður haldið fimmtudaginn 16. júli klukkan 18 á BAR 108 í Ármúlanum við hliðina á Hótel Íslandi. Allir að mæta og muna að koma með borð ef þið eigið!

Fjáröflun

Þar sem Kotrufélagið er ungt og allslaust ætlum við að reyna að sníkja smá aur. Aurinn verður notaður til kaupa á kotruborðum, verðlaunagrip fyrir Íslandsmót og fræðsluefni. Sníkjurnar fara þannig fram að þeir sem vilja geta afritað textann hér undir inn í Word skjal, prentað það út og farið með í sinn banka.

 

Beiðni um reglulega millifærslu

 

 

Nafn reikningseiganda:___________________________________

Kennitala reikningseiganda:__________________

 

Skuldfærslureikngur:   _______ - _____ - ____________   (Banki-Hb-Númer)

 

Inn á reikning: 1101-05-761538    Kotrufélagið    470509-2280

 

Upphæð: _____________      Greiðist mánaðarlega.

 

Byrja millifærslu:________    Enda millifærslu: _________       □ Lætur vita

 

 

Undirritun:_____________________________

 

Dagsetning:_____________

 

 

 

 

 

Stigareikningar

Eins og sjá má í síðustu fundargerð eru komin drög að forriti til að reikna út ELO-stig. Stigin eftir fyrstu þrjú mótin skiptast með eftirfarandi hætti milli manna og eru birt með miklum fyrirvörum.